Hlutverk bekkjarfulltrúa er að stuðla að auknu samstarfi foreldra, kennara og nemenda innan hvers árgangs.

Að vera bekkjartengill á ekki að vera eitthvað erfitt eða bugandi starf ;)  Það sem felst helst í starfinu hér hjá okkur er að skipuleggja einn eða fleiri viðburð nú á haustönn. Það getur verið gönguferð, bíóferð, sundferð, spilakvöld (t.d. í skólanum), leikhúsferð (sjá Ávaxtakörfuna) eða annað sem bekkjartenglum dettur í hug.

Á vorönn er bekkjarkvöld í höndum kennara en þá eruð bekkjarfulltrúar til aðstoðar, ásamt öðrum foreldrum. Oftast setja kennarar bekkjarkvöldið í kringum árshátíðina, svo nemendur geti sýnt foreldrum og forráðamönnum atriðin sín.  Á vorönninni ráða bekkjartenglar hvort þeir skipuleggi aðra viðburði.

Heimili og skóli veitir foreldrum, foreldrasamtökum og skólum um allt land stuðning og ráðgjöf. Á vefnum þeirra má finna fjölbreytt efni um foreldrastarf. Endilega kíkið á grunnskólasíðuna þeirra hér til hliðar.